19 სექტემბერს რუსეთმა დაარღვია ესტონეთის საჰაერო სივრცე. სამი MiG-31, კუნძულ ვაინლოს (Vaindloo) მიმართულებით გადაადგილდა და 12 წუთის განმავლობაში დარჩა ამ ტერიტორიაზე.
ამ ფაქტის საფუძველზე ესტონეთმა ნატოს მე-4 მუხლი გაააქტიურა (ეს მოცემული მუხლის მეორე შემთხვევაა ორი კვირის განმავლობაში პოლონეთის შემდეგ). მიმდინარე წელს რუსეთის მხრიდან ეს უკვე მეოთხე დარღვევაა ესტონეთის საჰაერო სივრცის. წინა დარღვევებისგან განსხვავებით, ეს უკანასკნელი განხორციელებული იყო უფრო დიდი მასშტაბითა და ხანგრძლივობით, შესაბამისად მოცემული ინციდენტი ესტონეთის მხრიდან აღქმულ იქნა, როგორც მისი საჰაერო სივრცის „პირველი დიდი დარღვევა“ და პირდაპირი პროვოკაცია.
ესტონეთის თავდაცვის სამინისტრომ მომდევნო დღეს MiG-31-ების ფრენის ზუსტი მარშრუტის სქემაც გამოაქვეყნა და ისიც დასძინა, რომ ისინი გადაადგილდებოდნენ რადიოკავშირის გარეშე გამორთული ტრანსპონდერებით.
 |
| MiG-31 |
გავიხსენოთ რუსეთის მიერ წინა 3 შეღწევა ესტონეთის საჰაერო სივრცეში:
1️⃣ 13 მაისი 2025 - ესტონეთის ჰაერო სივრცეში რუსული Su-35 შეღწევა მცირე ხნით (1 წუთზე ნაკლები დროით).
 |
| Su-35 |
2️⃣ 22 ივნისი 2025 - რუსული IL-76 სამხედრო/სატრანსპორტო თვითმფრინავის შეღწევა ვაინლოს სიახლოვეს (4 წუთი დარჩენა ესტონეთის საჰაერო სივრცეში).
 |
| IL-76 |
3️⃣ 7 ივლისი 2025 - რუსული ვერტმფრენი Mi-8 (4 წუთით შევიდა ესტონეთის საჰაერო სივრცეში).
 |
| Mi-8 |
როგორც ვხედავთ, რუსული საფრთხე აღმოსავლეთ ევროპის, განსაკუთრებით კი ბალტიის ქვეყნების მიმართ იმაზე სწრაფად იზრდება, ვიდრე ეს მათთვის იყო მოსალოდნელი. სანამ ევროპა პოლონეთში დრონებით მიერ განხორციელებულ თავდასხმებზე რეაგირებას მოახდენდა, რუსეთის მხრიდან უკვე მივიღეთ ახალი პროვოკაცია. თუკი დასავლეთი (ამ შემთხვევაში განსაკუთრებით იგულისხმება ევროპა) ფიქტიურ, მოჩვენებით „რეაგირებას“ კვლავ გააგრძელებს მიმდინარე პროვოკაციებზე, დიდი ალბათობით მივიღებთ დაპირისპირების/კონფლიქტის ესკალაციის იმ სცენარს, რომელსაც მუდმივად ირჩევს პუტინის რუსეთი.
იხილეთ ლინკები 👇👇👇
#NATO #PsychologicalWarfare #estonia #poland #russia #natoarticle4
Comments
Post a Comment