პოლონეთის საგარეო საქმეთა მინისტრმა რადოსლავ სიკორსკიმ გაეროს უშიშროების საბჭოს სხდომაზე განაცხადა, რომ ნებისმიერი რუსული დრონი ან რაკეტა, რომელიც ნატოს საჰაერო სივრცეში მოხვდება გაანადგურებენ - „განზრახ ან შემთხვევით, ნებისმიერი სამხედრო ობიექტის ნამსხვრევები თუკი ნატოს ტერიტორიაზე დაეცემა, ნუ მობრძანდებით აქ და ნუ წარმოაჩენთ თქვენს აღშფოთებას. თქვენ უკვე გაფრთხილებული ბრძანდებით“.
ამ განცხადებით ვარშავამ ღიად დააფიქსირა ძალის გამოყენების წესები და წინასწარ გაანეიტრალა ნებისმიერი მოსალოდნელი ისტერიკა საჰაერო სივრცის (შემთხვევითი/დაგეგმილი) დარღვევის საკითხთან დაკავშირებით. არსებულ სიტუაციაში, მოცემულ განცხადებას გააჩნია შესაბამისი ავთენტური საფუძვლები და ისინი მომდინარეობენ რუსეთის მხრიდან შექმნილი/ინიცირებული წინარე საფრთხეებისგან. ამ შემთხვევაში შევეხოთ რუსეთის მხრიდან პოლონეთის საჰაერო სივრცის დარღვევის ფაქტებს.
ღია წყაროებში გავრცელებული ცნობებით, ბოლო 1 წლის განმავლობაში რუსეთმა პოლონეთის საჰაერო სივრცე დრონებისა და სამხედრო თვითმფრინავების გამოყენებით 22-ჯერ დაარღვია. თუმცა ოფიციალური პოლონური წყაროების, მათ შორის პოლონეთის მთავრობისა და თავდაცვის სამინისტროს მიერ ყველა მათგანი არ არის დადასტურებული. ჩამოვთვალოთ რამოდენიმე მსგავსი შემთხვევა:
🔵 2025 წლის 10 სექტემბერი - პრემიერ-მინისტრ დონალდ ტუსკის ანგარიშის თანახმად, "Shahed"-ის, ან მისი მსგავსი მოდელის 19 დრონი, ბელარუსის მხრიდან შემოვიდა პოლონეთის საჰაერო სივრცეში. მათგან ზოგიერთი, რომელიც საფრთხეს წარმოადგენდნენ, პოლონეთის სამხედროებმა გაანადგურეს.
🔵 2025 წლის 20 აგვისტო - ქალაქ ოსინაში (Osiny) ჩამოვარდა არაერთი რუსული დრონი, მათ შორის სავარაუდოდ Shahed ტიპის დრონები. პოლონური მედი საშუალებებისა და სამხედრო ექსპერტების ცნობით, ეს იყო რუსული დრონების ჩამოვარდნა.
🔵2024 წლის 26 აგვისტო - პოლონეთის თავდაცვის სამინისტროს ინფორმაციით, პოლონეთის საჰაერო სივრცეში შეიჭრა სავარაუდოდ Shahed ტიპის რუსული დრონი. იგი დარეგისტრირდა რამდენიმე რადარზე, თუმცა მისი მიზანი და ზუსტი მოქმედებება/გადაადგილების შესახებ ცნობების სრულა არ დადგენილა.
კიდევ უფრო ადრე, 2023 წლის 29 დეკემბერს პოლონეთის საჰაერო სივრცეში რამდენიმე წუთით, მაგრამ მაინც შეიჭრა რუსული რაკეტა. მიუხედავად იმისა, რომ ეს იყო არა დრონი, შემთხვევა აღიარებული/დაფიქსირებული იქნა პოლონური მხრის მიერ როგორც საჰაერო სივრცის დარღვევა. საბოლოოდ რამოდენიმე დღის წინ, 19 სექტემბერს რუსეთის მიერ ესტონეთის საჰაერო სივრცის დარღვევის ფაქტმა უფრო გაამძაფრა/გაამყარა პოლონეთის ხელისუფლების საფრთხისშემცველი მოლოდინები და დამოკიდებულებები რუსეთის მხრიდან, რომლებიც დაკავშირებულია არამარტო მის, არამედ მთლიანად ბალტიისპირა ქვეყნების რეგიონალური უსაფრთხოების საკითხებთან, რამაც გარკვეულწილად დეტონატორის როლი შეასრულა მოცემული მკაცრი, შეიძლება ითქვას ნაწილობრივ მუქარისშემცველი პოზიციის დაფიქსირებაში.
იხილეთ ლინკები👇👇👇
Uwaga na dezinformację związaną z naruszeniem polskiej przestrzeni powietrznej przez drony
Co rosyjskiego mogło spaść w Osinach?
Russia violated the airspace of nine European countries during the year: 36 incidents recorded
Poland Moves to Invoke NATO Article 4 After Airspace Violation
Poland warns Russia not to 'whine' if its jets are shot down in NATO airspace
Kolejny rosyjski obiekt nad Polską. Nieoficjalnie: Szahid [AKTUALIZACJA]
Gen. Drewniak: procedury czasu pokoju, w razie zagrożenia mamy prawo zestrzelić obiekt
#NATO #poland #Estonia #DroneAttack #airforcechallenge #russia #balticcountries #RegionalSecurity #NationalSecurity
Comments
Post a Comment