იაპონიამ 2026 წლისთვის უპილოტო საფრენი აპარატების მასიური შესყიდვის (დაახ. 6.3 მილიარდი დოლარი) შესახებ გააკეთა განცხადება. ინიციატივა მიზნად ისახავს თავდაცვითი ძალების სადაზვერვო და დარტყმითი შესაძლებლობების სწრაფ ზრდას, რაც სტრატეგიულად მნიშვნელოვანია მისთვის სამხრეთ-დასავლეთ კუნძულების დაცვისა და ჩინეთ/რუსეთის აგრესიული ქმედებების შესაკავებლად. დრონების შესყიდვა, სავარაუდოდ, „რაოდენობრივი უპირატესობის“ მოპოვების პრინციპით მოხდება, რაც შეამცირებს ფინანსურ ხარჯებსა და პერსონალური შემადგენლობის მიმართ პოტენციურ რისკებს.
ამ მიზნების ხორცშესხმისთვის იაპონია განიხილავს უკვე გამოცდილი უცხოური უპილოტო საფრენი მოდელების შეძენას:
✅დიდი სადაზვერვო დრონები, როგორიცაა ამერიკული MQ-9B SeaGuardian, რომლებიც უკვე გამოიყენება საზღვაო პატრულირებისთვის.
✅იაფი და ეფექტური „კამიკაძე დრონები“, როგორიცაა ისრაელის Heron MK II და თურქული Bayraktar TB2 ვერსიები.
 |
| MQ-9B SeaGuardian |
ამ ფაქტამდე 1 კვირით ადრე, იაპონიის შირაჰამას აეროდრომზე იყო შემჩნეული Heron MK II დრონი, სადაც "Kawasaki Heavy Industries" სტაბილურად ატარებს საფრენი აპარატების ტესტირებებს. აქედან გამომდინარე, შეგვიძლია ვივარაუდოთ, რომ ამ წამოწყებაში Kawasaki არ წარმოადგენს, მხოლოდ ისრაელის საფრენი პლატფორმის ინტეგრაცია/მართვაზე ორიენტირებულ კომპანიას იაპონიის თავდაცვის ძალებისთვის, არამედ იგი საჭიროებებიდან გამომდინარე ჩართულია უსაფრთხოების სისტემაზე მორგებული საფრენი აპარატების ახალი ვერსიების შექმნის პროცესშიც.
 |
| Heron MK II |
გარდა ამისა, იაპონიის მთავრობა აგრძელებს საკუთარი თავდაცვის ინდუსტრიის განვითარებას და წელს ასევე გეგმავს ხელოვნურ ინტელექტზე დაფუძნებული საბრძოლო დრონების ტესტირების დაწყებასაც. იაპონიის მხრიდან დაწყებული ეს თავდაცვითი ძალების გაძლიერების პოლიტიკა შეგვიძლია განვიხილოთ, როგორც კომპრომისული გეგმა/ვარიანტი - ოპერატიული მზადყოფნის სწრაფ მიღწევასა და საკუთარი ტექნოლოგიური ბაზის გრძელვადიან განვითარებას შორის; ასევე გარკვეულ წინაპირობად AUKUS-თან მოლაპარაკებების ფორმატში.
 |
| Bayraktar TB2 |
Comments
Post a Comment