მოცემული „შათდაუნი“-ს დაწყების მიზეზად იქცა დემოკრატების მიერ ICE-სთვის, იმიგრაციის სააღსრულებო სააგენტოსთვის დაფინანსების გაგრძელებაზე უარის თქმა, რომელიც განპირობებული იყო მისი თანამშრომლების მიერ აშშ-ის ორი მოქალაქის მკვლელობისა (7 და 24 იანვარს) და მთელი ქვეყნის მასშტაბით მიმდინარე საპროტესტო აქციების გამო. ორივე დაღუპული 37 წლის თეთრკანიანი ამერიკელი იყო. არც რენე გუდს და და არც ალექს პრეტის არ ჰქონდათ ნასამართლეობა. გუდი სამი შვილის მარტოხელა მამა, ხოლო პრეტი ვეტერანთა საავადმყოფოს ინტენსიური თერაპიის განყოფილების ექიმი იყო.
წინა შემთხვევისგან განსხვავებით, ამ შემთხვევაში ტრამპი იძულებული გახდა, ორივე პარტიის წევრების პროტესტისა და ზეწოლის ფონზე, დემოკრატებთან მიეღწია შეთანხმებისთვის. შეთანხმება ასე გამოიყურება: „რესპუბლიკელები და დემოკრატები თანხმდებიან, რომ მთავრობის დაფინანსება ფისკალური წლის ბოლომდე გაახანგრძლივონ, ხოლო ICE-ს დაფინანსება ორი კვირით გაგრძელდეს“. ამ ორი კვირის განმავლობაში კონგრესის წევრებს მოუწევთ ICE-ს რეფორმაზე შეთანხმება. დემოკრატებს სურთ, იმიგრაციის სამსახურის აგენტებს ნიღბების ტარება და კამერების გამორთვა აუკრძალონ. შემოღებულ იქნას ზედამხედველობის დამატებითი ზომები ძალაუფლების ბოროტად გამოყენების აღმოფხვრისა და პასუხისმგებლობის კომპონენტის გაზრდისთვის.
შესაბამისად, თუ უახლოეს მომავალში თეთრი სახლი ვერ მიაღწევს საბოლოო შეთანხმებას, დემოკრატებმა შეიძლება უბრალოდ უარი თქვან სააგენტოს დაფინანსების გახანგრძლივებაზე, რაც ბერკეტებს მათ ხელში დატოვებს. თუმცა, ამ სცენარის განვითარება ნაკლებად სავარაუდოა, რადგან რესპუბლიკელების დიდი ნაწილიც მკვეთრად აკრიტიკებს ICE-ს ქმედებებს. აქედან გამომდინარე, დიდი ალბათობით შესაძლოა რეფორმამ ორპარტიული მხარდაჭერა მოიპოვოს.
ყველა ეს დახურვა/შათდაუნი არასასურველია უკრაინისთვის. ამ გარემოებამ, ჯერ კიდევ ნოემბერში ნაწილობრივ შეაჩერა უკრაინისთვის სამხედრო დახმარება. ზუსტად არ არის ცნობილი, კონკრეტულად რა რაოდენობის ფინანსური და სამხედრო ტიპის დახმარების შეჩერებაზე განხორციელდა, თუმცა Axios-ის მონაცემებით მაშინ ნატოს მოკავშირეების მხრიდან 5 მილიარდი დოლარის ღირებულების შეიარაღება შეიკვეცა.
იხილეთ ლინკები👇👇👇
https://www.axios.com/2025/11/09/government-shutdown-arms-sales-nato-ukraine?fbclid=IwY2xjawPyfLRleHRuA2FlbQIxMABicmlkETEzaXBITFAxR0liQlAybjBlc3J0YwZhcHBfaWQQMjIyMDM5MTc4ODIwMDg5MgABHmPVT2Zk68Hdp1Z3-_P541bw2Tf4a3SDy0URQ-rsE_oEnLYo__f_Mx1CBk9v_aem_sFkdImAnRU9mI9vig_GPLA
https://www.bbc.com/news/articles/ce8rk33dpvmo?fbclid=IwY2xjawPyfMVleHRuA2FlbQIxMABicmlkETEzaXBITFAxR0liQlAybjBlc3J0YwZhcHBfaWQQMjIyMDM5MTc4ODIwMDg5MgABHnDPC7gVhjv2G9xnGKvvwOVgu2_fPtxPhd9FwrYH0HZ8gF89-r1coYmaYzKd_aem_k6QxcmP5udj4PGpaXDLxiw
Comments
Post a Comment